كتبت صفيه يسري
“عندكم بطولة مهمة اللي هي بطولة الدوري، وبطولة أهم وهي بطولة إفريقيا اللي مخدنهاش من 2002، الرجالة اللي كسبت الكونفدرالية وكسبت السوبر الإفريقي في قطر والسوبر المصري في الإمارات، أثبتت إنهم أحسن لاعيبة في مصر، عشان كدة مش لازم تتأثروا بحالة الإحباط اللي الإعلام بيصدرها، اللي منهم بعض الزملكاوية وغالبية المعلقين الأهلاوية” هكذا وجهه المستشار مرتضي منصور رئيس نادى الزمالك لاعبي الفريق من اجل حثهم علي نيل البطولات وحصد الألقاب
وقد اضاف أن المنافسة على بطولة الدوري مازالت قائمة مطالباً لاعبي الفريق الأبيض بعدم الالتفات لما يتردد حول حسم الغريم التقليدي الأهلي للبطولة.
وقد وجهه رساله الي بن شرقي قائلا “مشكلة أشرف بن شرقي أن دماغه مشغولة شوية، ودايماً بيحب يروح دبي، لكنه لاعب موهوب ومهاري، ولكنه فاقد تركيزه”
واختتم حديثه قائلا “أتعلمت دايماً أشوف نص الكوباية المليان، وكنت أتمنى الزملكاوية يعملوا كدة، فيوتشر ده الأهلي أتعادل معاه بالعافية، محمود علاء ومحمد عبدالغني من أحسن المدافعين في مصر، أوعى الإحباط يوصلكم، سيف الدين الجزيري هداف كأس العرب، وتراجع مستواه وارد، لكنه عليه استعادة مستواه وكذلك حمزة المثلوثي، مفيش لاعب هينضم لمنتخب بلده وهو وحش”.
