حقائق واعترافات مرعبة عن الكفتة المباعة بالأسواق

كتبت صفيه يسري

إعترافات من كبابجي متقاعد حول الكفته المشويه المباعه في الاسواق  الجميع حيث اعرب قائلاً كل الكفته برا البيت مضروبة حتي أكبر محلات الكباب في مصر بتشتري من مصدر واحد (المذبح) ، هناك فيه معامل تحت السلم بتعمل أكياس ١٠  كيلو كفته يبدأ من 30 جنيه للكيلو لغاية 100 جنيه للكيلو ،وان أبو 30 بيحطوا حته دهن علي كل كيلو وأبو ١٠٠ ممكن يحطوا ديل ولا عظم مفروم ، اما الباقي ده مش لحمة أصلا ولا بقري ولا جاموسي ولا ضاني.

وقد اضاف قائلا أنا خايف من ربنا قوي ياعالم مين أكل من عندي ومات ولا عاش، تصدق يابني مرة عملت كفتة نظيفة لحم ودهن من الجزار طبيعي عارف النتيجة بعت 15  كيلو رجع منهم حوالي 12 كيلو بيقولوا وحشه وفيها حاجة غلط الظاهر إننا اتعودنا علي البلاوي والميكروب، يابيه كل اللي بيشتري كفته وحواوشي ابو خمسه جنيه عارف، وزيد عليهم اللي بيروح يدفع 450 جنيه في كيلو الكفته، وفاهم إنه كده أمان بالعكس أبو 450 نفس المصدر، ويزود علي الكيلو حته دهن أو ليله عشان يقولك ضاني.