والد طالبه المنوفيه المقتولة .. نقدر دلوقتى ناخد عزاء بنتنا بعد القصاص الاعلى

كتبت شيماء كمال

علق عبد الكريم الجزار، والد أماني طالبة المنوفية المقتولة ، على فيديو انتحار المتهم قاتل ابنته قائلا: “قلبي استريح بعد انتحار المجرم ، والنهاردة بعد تشييع جنازة ابنتى رفضت أخذ العزاء إلا بعد ما اتأكدت من خبر وفاته، ودلوقتي أقدر اتقبل العزاء واقتصاص ربنا كان سريع جدا في اقل من 24 ساعة”.

وكشف عبد الكريم الجزار، في أول مداخلة هاتفية لبرنامج “حديث القاهرة”، الذى يذاع عبر قناة “القاهرة والناس”، مساء الأحد وبسؤال مقدم البرنامج حول وجود ًصلة قرابة مع القاتل، رد قائلًا: “والدته تبقى بنت عمتي ولكن لا توجد علاقة بينهم، مفيش اختلاط بينا وبين بعض ، ولكن احنا جيران ، بينا وبين بعض 200 متر، القاتل كان كلم والدة بنتي وقالها عايز اتقدم لأماني.
أضاف: “والدة أماني رديت وقالتي ابنتي أماني في كلية تربية رياضية وانتا في دبلوم صنايع يعني المستوى العلمي والتعليمي مختلف ومينفعش، ووالدها مش بيفكر في جواز بناته إلا بعد ما يخلصوا تعليمهم وياخدوا شاهدتهم وبعدين يفكر في جوازهم، لكن جواز أثناء الدراسة غير مقبول “.وأكمل: “والدتها قالت له أنتا مش شغال ولا ليك مستقبل وسمعتك زي النيله ، وقفلت التليفون، ولم يرد أي تهديدات منه نهائيًا”.واضاف “القاتل كان مدمن مخدرات بكميات كبيرة وبلطجي وكل حاجة تخطر في بالك وله أكتر من قضية وضرب واحد بفأس وضرب واحد وعمله أكتر من غرزة”.