كتبت شيماء كمال
روى الفنان محمد عبد الرحمن “توتا” تفاصيل محنته الاخيره مع المرض و إجرائه عملية قلب مفتوح، خلال استضافته فى برنامج “معكم” تقديم الإعلامية منى الشاذلى
وذكر “عبد الرحمن” إن موضوع المرض ده كان من زمان اوى ، حيث بدأت منذ فترة طويلة ، حيث كان يعانى من تعب وآلالا م متفرقة، لكن لم يهتم كعادة الكثير من المصريين كان يتجاهلها مفضلًا عدم الذهاب للأطباء
واستطرد توتا لكن حين عودته ذات يوم من تصوير فيلم “الدعوة عامة”، وجد نفسه متعبًا جدا
واضافت “حسيت إن صدري تقيل جدا .. وقعدت أكح بشكل متواصل ورا بعض ومكنتش قادر.. قلت لازم هروح مستشفى بقي.. لأن الأكسجين قل وضربات قلبي بقت سريعة جدا .
وأشار “روحت المستشفى ضبطولي الأكسجين وتاني يوم عندي تصوير قالوا لي مش هينفع تخرج النهاردة هتخرج بكرة قلت تمام، لحد العصر كان الأكسجين رجع تاني والدنيا استقرت ، فجأة الدكتور قالهم لزيادة الاطمئنان اعملوا له إيكو على القلب.. فاكتشفنا إن القلب شغال بنسبة 33% فقط ، قالوا لي لازم تعمل قسطرة استكشافية عملوها وقالي لازم عملية قلب مفتوح.. أول ما قالى اتخضيت لكن فضلت أقول الحمد لله”.
وأضاف: توتا “اللي حصل ده كان حاجة كبيرة أوي بس ربنا عداها بردًا وسلامًا، خاصة إن أنا كمان كنت مدخن.. يعني عندي عادة سيئة “.
واضاف “العملية استغرقت حوالى 7 ساعات ، كان عندى انسداد فى 3 شرايين”
