صفوه .. اتحبست مع 11 راجل وجالي إنهيار بسبب زوجي

كتبت شيماء كمال

حلت الفنانة صفوة فى برنامج “الترابيزه” والذى يذاع عبر قناة الشمس ، وكشفت أنها مرت بتجارب صعبه مع زيجاتها، وتحدثت عن تعرضها للسرقة من زوجها الثالث، الذي كان يعمل معها مديرًا لأعمالها الفنية .

واضافت أنها اكتشفت “بعد مرور 18عاما ، فوجئت إنها كانت ساذجه وعبيطة، ومديونة، بسبب زوجها الثالث وقالت إنه أخد سنين عمري كلها وشبابي وفي الآخر اكتشفت إني هبلة ومكنتش متخيلة إن فيه راجل ممكن يضحك ويخدع مراته بالشكل ده، وأنا أصبحت مش بثق في اى حد بسببه، لدرجة أن أى حد بيجيبلي هدية بدون مناسبة بشك فيه”

وعبرت صفوة عن حزنها وقالت “أنا اتطلقت من زوجي الثالث وأنا مش معايا لا فلوس ولا أي حاجة، وكنت فاكرة إنه بيحبني وبيحافظ على شغلي ، عشان كان مدير أعمالي وكان له نسبة من شغلي ، وكنت فاكره إنه بيحبني اوى ؛ لأنه كان مشغل إخواته بادي جارد ليا، وأخته كانت بتساعدنى في شغل البيت ، وفي الوقت ده بقيت اقول هو فيه حد طيب كده في الدنيا؟ ده مسخرلي كل أهله يساعدوني ويقوفوا جانبى ، ولكن اكتشفت الحقيقه أنه كان بيعمل كده عشان يراقبني من خلالهم، ووصلت بينا المشاكل إلى إني اتحبست بسببه بين 11 راجل في الحجز”. واستطردت صفوه :”زوجي قالي إن المحاسب هو اللي نصابو، وقت ما كنت في الحجز، وإنه بيحاول يساعدني”.