الطالبة «مريم» الحاصلة على 12% بالثانوية العامة : دي مش نتيجتي وكنت متوقعة ادخل طب

كتبت صفيه يسري

أول تعليق من مريم إبراهيم عزيز، الحاصلة على 12% في الثانوية العامة شعبة عملي علوم ” كنت بحل جميع المواد وكنت بقفل الامتحان كنت بعمل اللى عليا طوال السنة وكنت بدى كل مادة حقها فى المذاكرة وكنت بسهر الليل عشان أشوف الفرحة داخل البيت يوم ظهور النتيحة، مؤكدة أمى كانت «بتزعق» معايا بسبب عدم النوم.

وقد اضافت والدتها قائله ” أخذت رقم الجلوس وجريت على السيبر أجيب نتيجة بنتى بعد ما بتاع السيبر طلع النتيجة قلى دي مش درجات مريم دى درجات حد مرحشي الإمتحانات.”، فى مدرس بكى على نتيجة بنتى وأغمى عليا عند بتاع السيبر، والناس إتلمت عليا محدش مصدق أن دى نتيجة مريم، العائلة كلها حاطة الأمل فيها أنها تدخل كلية الطب محدش منها بينادى عليها باسمها الكل بيقول يا دكتورة .

بنتى كانت تجيب فى إمتحانات الشهر وبتجيب 40 من 40 وبنتى طلعت الأولى على الصف الثالث الاعدادى كيف تجيب 12% عاوزة حق بنتى من وزير التربية والتعليم وجميع الجهات المسئولة .