كتبت شيماء كمال
ذكر الناقد الفني طارق الشناوي، إن هناك فنانين ارتكبوا أخطاء وحماقات كثيرة، ورغم ذلك حينما تخرج أعمالهم للنور تحقق أعلى الإيرادات خلال برنامج مصر الجديده الذى يقدم على قناة “etc” الذى تقدمه الإعلامية انجى انور .
واضاف الشناوى بشأن تخطي الجمهور لأخطاء يرتكبها الفنان محمد رمضان؛ “رشدي أباظة زمان كان ابن بشاوات، ولو رجعنا للأرشيف نلاقيه قاعد مع الكومبارس على الأرض ياكل فول وطعميه ، أضاف: “رشدي أباظة كان من زمن تاني في الخمسينيات والستينيات، الناس كان النجم بالنسبة لها هو كده، اللي يقعد على الأرض ياكل ويهزر ، حاليا واضح أن الشباب حابين اللي بيعمله محمد رمضان، بيقولهم أنا زيكم وأبويا مكنش معاه فلوس ولا أنا من عيلة غنية وكنت بحفر في الحديد ومش لاقي أكل.. وبعدين بقيت بركب طيارة خاصة”.تابع: “واضح أن الأغلبية بيحبوا اللي بيعمله رمضان، مش عايزين النجم اللي بياكل على عربية فول في الشارع، النجم اللي بيتباهى بأنه بياكل فول في الشارع مبقاش مطلوب”و.يذكر أن الفنان محمد رمضان بدأ منذ أيام تصوير أولى مشاهد فيلمه الجديد “ع الزيرو” في أول تعاون يجمعه بالفنانة نيللي كريم، والعمل من تأليف مدحت العدل، وإنتاج جمال العدل، وإخراج محمد جمال العدل.
