كتبت شيماء كمال
اثار تصريح الفنانة شيرين عبد الوهاب أنها نادمه على غنائها اغنية متجرحنيش للشاعر بهاء الدين محمد ، مما أثار غضبه وانفعاله الشديد ومن جانبه قرر ان يهاجمها بقوة عبر صفحته على موقع التواصل الاجتماعى فيسبوك ونرصد فى التقرير التالى القصة الكاملة لازمة شيرين عبد الوهاب وبهاء الدين محمد.
وقال الشاعر بهاء الدين محمد عبر صفحته الشخصية فيس بوك ردا على تصريح الفنانة شيرين عبد الوهاب : “مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!” .
وتابع بهاء الدين محمد : وحأتكلم بإختصار جدا : المشهد الأول : ..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!” .
واضاف بهاء الدين محمد والمشهد الثانى : رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة
واوضح بهاء الدين محمد : المشهد الثالث .. لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطة زى دى !!! لأن المشهد ده مش لايق على المشهد الأول.
وأشار بهاء الدين محمد الى المشهد الرابع والأخير : أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . ، وماتجرحنيش من أهم أعمالى ومن حقى أدافع عنها نتاج تهور اللى غنيتها ” .
