كتبت شيماء كمال
أعلنت الفنانة منة فضالي عبر حسابها الشخصي على موقع انستجرام. عن قرارها بتبنى طفل بعد ولادته .
وعلقت : “الولد ده اتولد منذ 5ايام امه وضعته في مستشفي بمحافظة الفيوم وقالتلهم انا مش عاوزاه ارموه في الشارع، الممرضه صعب عليها الطفل أخدته تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني واحده تانيه بتشتغل معايا في البيت اختها اخدته تربيه سافرت الفيوم واخذت الولد وودته لدكتور طلع عنده الصفره بتقولي النهارده قولتلها هاتيه انا هتبناه لاني نفسي يبقي عندي طفل من شويه بتكلم اختها قالتلها الولد مات بعد ما ابتديت اخد اجراءات التبني مش قادره اوصفلكم حالتي حقيقي ولا اوصف كرهي للست اللي خلفته ، حته لحمه حمره ورمتها وراحت تشوف حياتها ازاى جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره والسفاله ده ، بس يعلم ربنا اني كنت حخليه احسن حد في الدنيا مش الام اللي بتخلف الام اللي بتربي”
واضافت “انا كتبت البوست ده لاني فعلا موجوعه من قلبي وكنت فرحانه اني حاخد الولد لكن إرادة ربنا فوق كل شيئ ربنا يرحمك يا حبيبى برحمته وحسبي الله ونعمه الوكيل في الست دي ربنا ينتقم منها اشد انتقام د احنا الحيوان بيصعب علينا ما بلكم طفل ملوش اي ذنب غير ان واحده معندهاش قلب ولا ضمير ترمي ابنها منها لله
