كتبت:صفيه يسري
صرحت الفنانه إلهام شاهين إن الفيلم ناقش عدة قضايا منها تعامل الأباء مع المراهقين، متابعة: «في الفيلم الأب ساب لبنته حرية الاختيار بين أنها تبات عن صاحبها أو لأ، ومش كل الأباء هيوافقوا على الوضع ده، بس في أبهات بتوافق عادي وبيسيبوا ولادهم ياخدوا القرارات ويتحملوا نتيجتها و في أباء عقلهم متفتح بزيادة وبيفكروا بطريقة أوروبية وبيوافقوا على الوضع ده، والفيلم بيوريك أن الأب لما اتناقش مع بنته بشكل حضاري وأيداها حرية الاختيار، قررت إنها مش هتبات عند صاحبها و الفيلم بيقولك خليك صديق لأولادك وأنصحهم وعرفهم الصح من الغلط، وسيبهم هما يختاروا، وعلشان الأب في الفيلم ديمقراطي جدا، بنته اختارت الصح، وأنها ماتباتش عند صاحبها».
وهاجمت الفنانة الدعوات القضائية ضد الفيلم، قائلة: «البرلمان ماله ومال المنصة العارضة للفيلم.. ده إنتاج لبناني ومعروض على قناة أمريكية، هو مش فيلم مصري ولا إنتاج مصري»، مضيفة: «أنتم مش واصي على الجمهور والجمهور بيشوف على نتفلكس أفلام أجرئ بكتير من «أصحاب.. ولا أعز»، الفيلم مفيهوش حاجة خالص، باستثناء إن في شخص مثلي مجبي ميوله عن أصحابه».
واستنكرت الفنانة الهجوم الكبير من الجمهور على الفيلم، خاصة ً أنه ناقش العديد من القضايا التي سبق عرضها في عدد كبير من الأفلام المصرية، وعلى رأسها الخيانة الزوجية من الرجل أو المرأة.
واخيرا قامت بتأكديها على أنها تقبل تجسيد شخصية «مريم» التي جسدتها الفنانة منى زكي إذا عُرض عليها.
