كتبت شيماء كمال
وجه الرئيس عبد الفتاح السيسي بالرد بشكل مفصل وكامل على حملات التشكيك في جهود الدولة والحكومه
واضاف الرئيس السيسي اليوم ، خلال تدشين عدد من المشروعات بقناة السويس: اللي يهمنا دلوقتى نتكلم عن الحالة اللي بتتعمل معاكم يا مصريين هما دايما واخدينكم في حتة وإحنا من الواضح مش عارفين ندافع عن نفسنا كما يجب ، اللي بيتكلم في الموضوع لازم نتكلم في موضوع موضوع ونجيب التعليقات اللي اتعملت عنه.
واردف سيادته : بيقولك إيه، ده مش عارف علشان يشكك في المشروع، ما تجيبوا الكلام ده من الجرائد المناوئة وقتها واللي اتقال في الإعلام المناوئ واللي طلع على مواقع التواصل الاجتماعي، هات اللى قالوه كله وضحكونا على اللي قالوه، واتكلموا عليه كل ده مثال حي لأنهم عايزين يأثروا عليكم، ازاي هما عايزين يخوفوكم!.وواصل السيسي: كل موضوع بنتكلم فيه لية خلفية وناس بتتكلم فيه على مواقع التواصل الاجتماعي ولما نيجي ندافع عنه ندافع عنه بالصح نجيب اللي اتقال علينا ونحطه على الشاشة نشوفه هو ده اللي اتقال علينا وده علشان الناس في مصر علشان الناس البسيطة اللي في الشارع تفهم أنها مستهدفة لأنهم معندهمش غير كدة التشكيك والأكاذيب
