كتبت شيماء كمال
قال الفنان علاء مرسي: “أنا عاشق للأنثى وبعرف أدلعها وأحبها من قلبي لأن الست هي الخير والحنان اللي في الدنيا “.خلال استضافته فى برنامج “الستات ” تقديم الإعلامية مفيده شيحه و سهير جوده
واردف “إزاي ينفع نظن في الست سوءا حتى ولو هي بتتصرف بسوء فهي أساس حياتي وعمري علشان كده أنا بحب الأنثى وعاشق لها طول عمرى “.
واضاف مرسى “أنا صاحب 30 سابقة عاطفية ، يعنى حبيت فعلا 30 مرة وعشت تجاربهم من حب وفعل وأكشن ومشاكل وصراعات، وبيحصل فجأة وبيقلب معايا لإعجاب وبعدين حب، وأنا طول الوقت نفسى مفتوحة للحب ، ولو الست قالتلي اى كلمة حلوة بحبها علطول، ومراتي عارفة كل حاجة وعمري ما خبيت أي حاجة ولكن هي بتزعل في الأول وبعدين بتسامح”.
واستطرد : “مراتي عارفه شخصيتى من أول يوم وعرفت تركيبتي وحبت ترتبط بيا وأنا انسقت ليها لسبب أن عندها اهتمام كتير بكل التفاصيل”.
واضاف “الفنانة ميرفت أمين حب عمري واللي اتكلموا عليها أشباح مش بنى آدمين وميرفت هي عارفة أني بحبها وأحبها كل أنواع الحب واكتشفت أن بينافسني في ده بشر كتير جدًّا، ولو كنت عرفتها في زمن تاني وسن تاني كنت هعرض عليها الزواج بس هي مكنتش هتوافق لأن كان عندها رشدي أباظة وحسين فهمي”.
