كتبت صفيه يسري
اعترافات خطيره من قاتل نيره اشرف فتاه جامعه المنصوره التي تم انهاء حياتها علي يد زميلاها حيث اقر واعترف من خلال التحقيق معه قائلا”عقدت العزم على قتلها انتقاما منها لرفضها الارتباط بي، وإخفاق محاولاتي المتعددة لإرغامها على ذلك، حيث وضعت مخططا لقتلي، وحددت موعد أدائها اختبارات نهاية العام الدراسي بجامعة المنصورة، لتنفيذ الجريمة.
وقد اضاف” أنا فضلت أعمل اللي بعمله لحد ما أهلها عرفوا يقعدوني في قعدة وخدوا التليفونات ومسحوا اللي عليها، ومضيت إيصال أمانة وتعهد بعدم التعرض لها ، وكلموني وقالولي عايزين نخلص الموضوع اللي بينك وبين بنتنا، ولما روحت لقيت ناس كتير وكلهم عرفوا الموضوع وحكموا عليا أن أنا أمسح الصور والمحادثات اللي معايا على تليفوني ومضوني على إيصال أمانة وتعهد بعدم التعرض لها، إحنا كلنا كنا قاعدين وكانت قعدة حق ،كان كلامهم شديد معايا، ومحدش كان مقدر اللي أنا عملته مع نيرة وكان ردهم بيستفزني وقالولي أنت مش أول راجل ينضحك عليه، وأنا مضيت على عدم تعرض وإيصال أمانة علشان لو اتعرضتلها تاني يرفعوه عليا، وأنا كنت ساكت وخلاص ولكن كان في دماغي إني آخد حقي منها، وأول لما حد قالي إنها بتتكلم عليا فأنا كنت مستني إني أرد كرامتي وكلمتها على الواتس والفـون ،وانا كنت بقولها عيب اللي بتعمليه ده أنا صرفت عليكي دم قلبي، علشان ممكن تقدر ده فكانت بترد باستهزاء وأنا كنت بضايق من اللي هي بتعمله فأنا كلمت أبوها علشان أشوف نهاية الحوار ده”
