كتبت شيماء كمال
علق الاعلامى عمرو اديب عبر تقديم برنامجه “الحكاية “على قناة mbc مصر على واقعة عروس الإسماعيلية التى اعتدى عليها عريسها فى الشارع أمام مركز التجميل قائلا : “الموقف اللي حصل يؤكد أن المجتمع والشعب المصري لا يقبل بكدا.. والناس أصبحت لا إنسانيا وأخلاقيا ودينيا مش طايقين أن موضوع العنف ضد المرأة ده يحصل تاني.. وهو أمر مرفوض تماماً.
وأوضح الإعلامى “فيه ناس تشل وترفع الضغط ويقولوا دا واحد ومراته انتوا مالكم ..وتسائل يعني أيه.مش فاهم ؟ يعني لو ماشي فى الشارع ولقيت راجل بيضرب ست واعرف أنه زوجها بيضربها أسيبه وامشى؟ ..واستطرد متهكما مش هو وجاريته ومش هو وعبدته ؟.. دا هو وإنسانة “.
وأردف أديب: “لو أنت ماشي فى الشارع ولقيت طفل أو مرأة بتضرب أقف وادافع عنهم .. هل من اللامعقول أني لسة بقول مينفعش حد يضرب حد.. هل لسة هنناقش دا فى الكلام ده من الأساس .
وأكمل اديب تعليقه على الواقعه ، بدأ الناس يكون عندها وعى ، وهو ان لايقبل أن محدش يضرب حد.. وعروسة الإسماعيلية مش واحدة هي كل النساء فى مصر والعالم العربي .. ووجه أديب الشكر للصحفية اللي صورت الواقعة .. لولاها ماكنش حد شاف ولاعرف اللي حصل”.
