كتبت شيماء كمال
طلب الرئيس السيسى من المصريين ، خلال مؤتمر المشروع القومى لتنمية الأسرة والتى أقيم اليوم الإثنين بالعاصمة الإدارية الجديدة ، المزيد من الوعى الصحى والمجتمعى من أجل مستقبل أفضل للمصريين .
واضاف سيادته «يا مصريين إصحوا، لو كنتوا خايفين على بلدكم انتبهوا، القضية دي مهمة جدا إننا نبني مواطن قادر على الإنتاج وواعى ومفكر ومبدع واللي قاعد في بيته يقول ولادنا مبتشتغلش ليه؟.. بقولكو أنتوا بتجروا علشان تدخلوهم كلية وخلاص، وفي ابتدائي وإعدادي بتحطوه جوا المدرسة وخلاص وفاكر إنك بتجهز ابنك.. النبي محمد صلى الله عليه وسلم قال اعقلها وتوكل، واعقلها يعني إعداد استراتيجيات وسياسيات في جميع المجالات
واستطرد سيادته حد قال لبنته لما جت تتجوز انتظري سنة ولا اتنين متخلفيش فيهم علشان أنتي كنتي في حضانة أسرة وهتروحي لبيت زوجية، خدي وقتك علشان هتعيشي حياة جديدة هتدخلي على بيت وأسرة جديدة.
لافتا .. الحكومة قامت بتنفيذ برامج صحة إنجابية على أفضل مستوى لضمان حماية الظروف الصحية للمولود .
وتابع سيادته «والله العظيم قولت لبنتي كدا، قلت لها على مهلك سنتين أو 3 على الأقل قبل الإنجاب، وقولنا كحكومة نعمل صحة إنجابية قبل الزواج ويكون فيه كشف طبي شامل ، علشان الطفل اللي ييجي الدنيا ، يآخد حقه مني وأطمن إن متوفر له كل الظروف الصحية اللى يطلع بيها سليم ومعافى ، ودا عن طريق العلم اللي ربنا سمح لنا بيه
