كتبت شيماء كمال
قامت النجمه سمية الخشاب بتوجيه رسالة إلى المطربة شيرين عبد الوهاب «أنتى قوية وهتعدي المحنة ، الحياة مش بتقف على حد ، وفيه أمل فى الحياة خصوصا إنك ست ناجحة وعندك بنات».
وقالت سمية الخشاب، خلال لقائها مع الإعلامية ياسمين عز في برنامجها كلام الناس، أنا دايما بقول حسوا وتمعنوا فى النعم اللي ربنا أنعم بها عليكم، زي الستر والصحة والبيت ولازم نشكر ربنا أننا قادرين نبلع الطعام ونمشي ونتنفس، إحنا بس اتعودنا اللى اتعودنا على النعم ده . والناس بائسين لأنهم بيفكروا في اللي الماضى والقادم .
وذكرت سمية الخشاب: اللي فات خلاص أصبح مجرد ذكرى بنتعلم منها والمستقبل بتاع ربنا وحده ، ودا مش معناه أني لا أحلم ولا اشتغل بجد ، بالعكس نكتب أهدافنا وأحلامنا في السنة الجديدة.
وقامت شيرين عبد الوهاب بمفاجأة جمهورها خلال حفلها الغنائي الأول، بعد طلاقها من حسام حبيب والذي أحيته في أبوظبي مساء الجمعة 10 ديسمبر، بظهورها حليقة الرأس .
ووجهت شيرين عبد الوهاب، تحديًا مازحه للنجمة أصالة على المسرح قائلة: “أتحدى أصالة وضحكت مش هتقدر تعمل كدة”، وأشارت إلى رأسها.
وسبق أن برأت شيرين عبد الوهاب زوجها السابق الفنان حسام حبيب حول تورطه في حلاقة شعر رأسها، وكتبت عبر حسابها في “تويتر”: “ليه ميكونش لوك جديد يا جماعة و ليه ميكونش تغيير، ليه ميكونش أنا اللي عملت كدة حتى لو عندي اكتئاب؟ ليه تفرضوا السيء والأسوء وظلمتوا شخص بريء وظلمتوني”.
