في دعوى خلع ..” ابن امه وأمه قالتلي هجوزه واحدة أحلى منك”

كتبت صفيه يسري

تروي الزوجه ذات الثلاثون عاما مأساتها من قبل زوجها ووالدته في ساحه محكمه الاسره بالجيزه حيث كانت بدايه حديثها ” انه ابن امه واسره سليطه اللسان وبدأت الزيجه بينهم بزواج الصالونات وتمت بسرعه ونالت الويل منهم بعدها ”

وقد اضافت قائله تسعه شهور وأنا مستحملة الإهانة وقلة القيمة اللي أهلي أجبروني عليها، لدرجة أن وصل بحماتي الحال إنها تنكر إني مرات ابنها قدام الناس اللي ماتعرفنيش، وتقل مني قدام الناس اللي عارفة، وتقارن بيني وبين ابنها في كل حاجة، وبعد فترة بدأت تقول إنها هتجوزه من واحدة أجمل تليق بيه، وافتكرت أنها بتضايقني كالعادة، لكن بعدها فوجئت إنه اتجوز فعلًا، فشعرت بالانهيار ولما سألته اتجوز ليه، أمه قالت له إنها أحلى مني ، ولذلك قررت رفع دعوي طلاق للخلاص منه .