كتبت شيماء كمال
حل الدكتور زاهي حواس وزير الآثار الأسبق فى برنامج “كلمة أخيرة “أمس مع الإعلامية لميس الحديدى عبر قناة ON.
وذكر أنه لا يوجد مايسمى بالزئبق الاحمر تماما .
وأضاف حواس “انا جالي أمير طلب مني الزئبق الأحمر وكان عايز يدفع 100 ألف دولار ، واتضحك عليه فعلا من جماعة مصريين وباعوا له الوهم وخدوا فلوسه ونصبوا عليه .
واضاف هناك قصص وروايات كذب بين الناس ، بتقول إن الشخص لو خد الزئبق الأحمر من حلق المومياء هيسخر الجان وهيعمل اللي هو عايزه.. ودي حاجة مش موجودة بالأساس ده خرافات .”
نادية لطفى ضربت واحد بالشبشب .
وذكر حواس : كنت عامل كشف أثري ضخم ، وكل دول العالم عرفوا بيه ونص الصين شافوه وعملنا مؤتمر صحفي كبير في فندق ” مينا هاوس” وأنا كنت بتحدث فى المؤتمر عن هذا الاكتشاف ، وواحد طلع قالي أنت عامل الاحتفال ده في يوم عيد اليهود ، وقامت الله يرحمها الفنانة الكبيرة نادية لطفي وقلعت الشبشب وطلعت عليه تشتمه وتقوله بتشيل الفرحة من عندنا ليه يا حاقد “.
اوباما شاف تمثال فى المقبرة شبهه
واستطرد حواس خلال حواره .. زيارة الرئيس الأمريكي الأسبق باراك أوباما إلى القاهرة؛ قال زاهي حواس: “أوباما دخل معايا المقبره، وشاف تمثال شبهه بالظبط، وقالي أنا شكل ده، وقولتله فعلا، وضحكنا، واديته البورنيطة بتاعتي، وقالي لم أحلم أبدا إني أقف جنب أبوالهول”.
وأشار حواس أنه طلب طلب من الرئيس الأمريكي الأسبق باراك أوباما أن لا يركب الجمل لأنه لا يوجد لدينا منهم سوى 4 فقط، وسيظن كل العالم أن مصر ما زالت تعتمد على ركوب الجمال.
