تعالى ورايا .. كارولين عزمى تتعرض للتحرش وتطالب عايزة حقى

كتبت شيماء كمال

تعرضت الفنانة كارولين عزمي للتحرش اللفظى “والايحاءات بالإشارات الإباحية ” أثناء قيادتها سيارتها . وتطالب بحقها .

نشرت الفنانة الشابة كارولين عزمى عبر حسابها الشخصي بموقع تبادل الصور والفيديوهات القصيرة إنستجرام، مقطع فيديو لواقعة التحرش التى تعرضت لها ، وعلقت : “مساء الخيرأنا اللي يعرفني أو متابعني يعرف إني حد ملوش في اى مشاكل في ولا عمري شاركت فى اى مشاغبات ، باختصار النهاردة كنت في عربيتي وجنبي عربية راكب فيها واحد كسر عليا”.

وأستطردت حديثها : “كل اللي عملته إني نظرت إليه وبصيت قدامي فلقيته بيكرر نفس الحركة تاني بإستخفاف الدم ، روحت طلعت الموبايل وعملت نفسي بصور عشان أخوفه وأخليه يبطل يضايقني اتفاجئت وهو بيقولي بتصوريني يا بنت……، ساعتها اتخضيت وبدأت أصور بجد وأنتوا هتشوفوا في الفيديو الحركات اللي بأيده والشتايم”.

وأشارت كارولين “بدأ يقولي تعالي ورايا والحقيقة إني مش عارفة أروح وراه فين، أو كان عايز يعمل إيه ولإني اتوترت، وخوفت ساعتها مقدرتش اصور وقت كتير .

وتابعت :”أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملتله حاجة ولا فتحت بوقي لمجرد إنه شخص مريض ، أكيد الشخص دا أذى بنات كتير لإنه تقريبا متعود على الحركات دي، ومتعود يخوفهم ومش همه حتى إنه يتصور، ويتفضح، أنا عايزة حقي يرجعلي”