“كنت بعاني”.. مها الصغير تصدم الجمهور بعد إعلانها الطلاق من احمد السقا

كتبت:صفيه يسري

قالت “مها الصغير “تم الطلاق من زوج أحمد السقا مرتين بسبب الخلافات.. انفصلنا ورجعنا انفصلنا ورجعنا.. دي ناس كتيرة مش عارفاها، وبحس إني لما بقولها للناس، كأني بقول حاجة غلط”.

وأضافت: “فيه ناس بتبقى في مراحل إن أنتوا تنفصلوا، ده أسلم حل لينا ولعيالنا، إن كل واحد يمشي”.

وتابعة زوجة أحمد السقا: “اتجوزت وأنا عندي 20 سنة وكنت صغيرة واطلقنا ورجعنا مكنتش قادرة استحمل الخلافات وكنت بسعى دايما لإرضاء الطرف الآخر لكن مبرضيش نفسي”.

وذكرت: “أنا أبويا وأمي كانوا دايما بيدعموني في حياتي وفي حرية وإن البنت زي الولد، جيت اتجوزت بقى معرفش ليه الراجل بيتحول بعد الجواز لسي السيد فتصـدمي بقى بالواقـع، أنا عندي طموح زي ما أنت عندك وعندي أحلام إني اشتغل زي ما انت عندك، ويمكن يكون ده حصل لأننا اتجوزنا صغيرين أوي

وعن أسباب أول طــلاق بينهما، قالت: “كانت بسبب مشــاكل كتير أوي أوي، فعملت وقفة لأني كنت بسعى لإرضاء الآخر دايما وفي الآخر محـدش بيرضـــى وبيدوسوا عليكي أكتر، وده كان بعد ما خــلفت أولادي التلاتة، ووقتها حصلت خــلافات بيني وبين أبويا مع انه كان هو اللي بيدعــمني في البداية، لكن أنا اتطلقت لأني كنت فعلا بعاني”.

وكان أحمد السقا قد تزوج من مها عام 1999 عن قصة حب، وذلك على الرغم مما تردد حينها عن وجود مشاعر بينه وبين منى زكي، لكنه فاجأ جمهوره بزواجه من مها والتي أنجبت له ياسين وحمزة ونادية، وكانت مها قد ارتدت الحجاب لفترة ومن ثم عادت لتخلعه مرة أخرى. ويعيش الثنائي منذ عشر سنوات حياة زوجية هادئة بعيداً عن المشاكل والشائعات أيضاً حيث أنها المرة الأولى التي يتردد فيها وقوع الطلاق بينهما.